Iritzi bereziak

Erabiltzailearen aurpegia

Euskarak, bere antzinatasunagatik, zailtasun bereziak ditu hitzen jatorria zein den jakiteko.

Hizkuntza latindarrek, adibidez, ez daukate arazo hau, baina euskarak buruhauste asko eman ditu eta ematen jarraituko du, ez baitakigu zein den haren jatorria. Iritzi desberdinak dituzten bi zatiki azalduko ditut: ZA eta IZ. Gaur egun, zatiki hauek ez digute ezer esaten, baina, batzuen ustez, bere garaian, ZA-k aldapa esanahia zuen: milaka baserriren izenak eta hainbat mendate; adibidez, Kanpanzar eta Barazar izenek adierazten duten bezala. 

Adineko pertsonen zar izena ere bere makurduragatik omen dator. Bizkaian, Zarrabe aldaparen behean dagoen baserria eta Nafarroako eta Gipuzkoako Gainza herria, gain+za= aldapa gaina, adierazgarri izan daitezke. IZ zatikiaren kasuan, urarekin lotzen dute, eta nahiko garbi agertzen da: izotza = ur hotza; izurde = uretako urdea, Izubitta = bi errekak bat egiten duten Bizkaiko toki ezaguna. Eta badira i hizkia galduta Zubieta toponimoa duten hainbat toki, non bi ur elkartzen diren. Bukatzeko, zorionekoak gu, sorioneku hitzari esker. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.