Azul filmaren protagonistak senarra eta alaba galtzen ditu auto istripu baten ondorioz. Bakarrik geratzen da munduan eta momentu horretara arte eramandako bizitza apurtzea eta jendearengandik aldenduta bizitzea erabakitzen du. Baina musikaren laguntzarekin konturatzen joango da hori ezinezkoa dela, eta lehengo bizitzaren osagai eta pertsona batzuekin batera posible dela bizitza berri bat eraikitzea.
Azul film liluragarria da, hainbat arrazoirengatik: alde batetik, Juliette Binocheren interpretazioagatik eta kamerarekin duen harreman magikoagatik; beste alde batetik, irudien urrezko koloreak urdin kolorearekin batera sortzen duen edertasunagatik; eta, azkenik, musika eta soinua erabiltzeko moduagatik. Horren adibide izan daiteke filmaren hasierako istripuaren eszena. Haurraren aurpegia, autoa errepidean, autoaren egoera kaskarra, errepidean dagoen gaztea, iruditik kanpo gertatzen den erabilera... Osagai guztiek balio dute patuaren pisua antzemateko.
