Suge biperakara (Natrix maura) dela uste dugu. Iñaki Sanz-Azkuek ere, ez dela ondo ikusten, baina dio itxura guztia duela ur sugea izateko.
Ur sugearen defentsa mekanismo nagusia harrapariek suge gorria dela uste izatea da. Arriskuan sentitzen denean, suge gorri itxura handia hartzen du, burua zapaldu eta triangelu forma hartuaz. Horrez gain, suge gorriak bezala oldartzen da harraparien aurrean, horien portaera eta soinua imitatuz. Baina ez da pozoitsua, ahoa itxita mantentzen dute eta ez dute hozka ere egiten. Sugea harrapatuz gero, usain txarreko jariakin bat askatzen dute kloakatik behera.
Urrexolako Errota baserriko etxekoandreak esan zidan, behin suge bat ikusi zuela ahoan zuen ezkailua uretatik kanpora ateratzen, ito zedin, eta berak hartu eta berriro ibaira bota zuela. Sugea askaririk gabe geratu ei zen.
