GURASOTASUNAZ HAUSNARTZEN

Haur Hezkuntzatik hasi eta Batxilergo edo Lanbide Heziketa arteko haur eta gazteei eta haien irakasleei zuzendurik dago Naturan hezten webgunea. Hezitzaileendako eta gurasoentzako ere oso erabilgarria eta interesgarria delakoan egitasmoari buruz jardun du Lander Juaristik ataria sustatu duen Landarlan elkarteko kide den Ion Fontenlarekin.

Guraso.eus egitasmoko kolaboratzailea da Mikel Egibar eta heziketa fisikoaren inguruan hausnartzera bultzatzen dute haren idatziek. Gorputzean jarri du gaur arreta.

Amaia Arroyo Sagasta Komunikazioan eta Hezkuntzan doktorea da,  HUHEZIn irakasle da eta Guraso.eus-en konpetentzia digitalak eta teknologia berrien inguruan idazten du, hezkuntza eta teknologien arteko harremanei buruz, hain zuzen.

Guraso.eus egitasmoko aspaldiko kolaboratzailea da Irati Aizpurua Alquezar abokatua. Ulertzeko zailak diren lege kontuak jasotzen ditu sarritan haren idatzietan.

Hernaniko Udaleko Berdintasun sailak eta Hiruki Larrosa kooperatibak Armairutik plazara izeneko unitate didaktiko batzuk sortu dituzte elkarlanean, izen bereko dokumentalean oinarrituta, Tokian Tokiko LGTBI+ errealitateak landu eta batez ere ikasleekin sexu aniztasuna lantzeko helburuarekin. Hiruki Larrosa kooperatibako kide Ibai Fresnedorekin elkartu da Lander Juaristi gaiari buruzko zehastasunak jasotzeko.

Bergarako Ndank Ndank elkarteak egunerokotasunean bizi ditugun mikro-arrazakeria egoerak agerian jartzeko helburuarekin lau bideo argitaratu ditu. Gurasotasunaz hausnartzen podcast-eko gidari Lander Juaristi elkarteko kide Eli Domingezekin elkartu da gaiaren inguruan berba egiteko.

Mondragon Unibertsitateko Humanitate eta Hezkuntza Zientzien fakultatean irakaslea da Nerea Agirre. Urteak daroa Guraso.eus atarian kolaboratzen eta haren laguntzarekin hezkuntzari dagokion hainbat gai jorratu dituzte.

Jendartea eraldatzeko eta pentsatu kritikoa sustatzeko helburua duen kooperatiba da Hiruki Larroxa. Gaur egungo jendarte ereduan ematen diren botere-harreman asimetrian eta zapalkuntzan fokua jarrita askotariko proiektuak garatzen dituzte.

Irakaslea eta heziketa librea aholkularia da eta beste hainbat saltsatan ere badabil Ane Ablanedo Larrion. Guraso.eus ekimeneko kolaboratzailea da eta beste hainbat aldizkari eta egitasmotan ere kolaboratzen du. Askatasuna izaten du hizpide sarritan bere artikuluetan eta hala egin du Guraso.eus atarian idatzi duen Askatsunak, mugak, ondorioak, loturak artikuluan ere. Idatzi horretatik tiraka elkarrizketa egin dio Lander Juaristik.

Irakasle eta psikopedagogoa da Naroa Martinez eta aditua da heriotza eta dolu gaietan. Guraso.eus atarian ere, gai horien inguruan idazten du eta harekin solasean izan da Lander Juaristi Martinezen atariko azken artikulotik abiatuta.

Nahia Alkorta Elezgaraik Mi parto Robado liburua idatzi zuen iaz non bere erditzearen esperientziatik abiatu eta epaiketaren ibilbidea kontatu zuen. "Indarkeria obstetrikoa aitortu zaion lehen emakumeetako bat da munduan", azaldu du podcast-aren gidari Lander Juaristik.

Amaiurko eskola txikiko irakaslea da Nora Salbotx. Urteak daroa hezkuntza arloan proiektu ezberdinetan bidelagun, horien artean, Guraso.eus egitasmoan. Askotariko kolaborazioak egin ditu atarian; idatzi duen azkeneko artikuluan marretatik kanpo marrazteari buruz jardun du, hortik abiatuta elkarrizketa egin dio Lander Juaristik gidatzen duen Gurasotasunaz hausnartzen podcastaren atal berrian.

Gurasotasunarekin lotutako hari ezberdinak lantzen dituzte Guraso.eus atarian eta horretarako kolaboratzaileak dira aktibo nagusi. Sarea zabaltzen ari dira atariko bultzatzaileak eta Kike Amonarriz batu dute kolaboratzaileen zerrenda luzera. Hizkuntzaren transmizioa haratago izenburua jarri dio idatzitako kolaborazioari eta artikulutik tiraka egin dio elkarrizketa Lander Juaristik.

Mireia Centeno psikologo eta psikpedagogoa Guraso.eus atariko kolaboratzailea da eta askotariko artikuluak idazten ditu atarian. Smart watch-en inguruan jardun du bere azken artikuluan eta hortik tiraka hausnarketa ezberdinak partekatu ditu harekin Gurasotasunaz hausnartzen podcast-eko gidari Lander Juaristik.

Aspaldiko bidelaguna da Nerea Mendizabal Guraso.eus atarian eta baita Txatxilipurdi elkartean ere. Komunikazio ez bortitzaren baitan askotariko artikuluak idatzi ditu Mendizabalek atarian. Berdinen arteko harremanei buruz idatzi du azkenekoa, eta hortik abiatuta Lander Juaristik elkarrizketa egin dio.

Amelia Barquinek Nola (ez) hitz egin atzerritar jatorriko umeez delako artikulua idatzi du Berria aldizkarian. Horri tiraka, hainbat hausnarketa puntu zehaztu ditu Lander Juaristirekin batera.

Guraso.eus atariko aspaldiko kolaboratzailea da Amaia Agiriano Arrese. Hogei artikulutik gora idatzi izan ditu, gehienetan adimen gaitasun handiko haurren eta nerabeen inguruan. Erpin eta ikuspegi ezberdinetatik idazten du, bizipenetan oinarrituta eta ikerketa zientifikoa ere aintzat hartuta. Gaurko saioan adimen gaitasun handia eta dislexiaren arteko harremanaz jardun du Lander Juaristirekin.

Guraso.eus egitasmoko kolaboratzailea da Maider Garcia de Vicuña. Azkeneko urteetan sexualitatearen eta feminismoaren inguruan lan egin du eta arlo horietako gaiak izan ditu kolaborazioetan berbagai eta idazgai. Gaurko honetan, baina, eskuartean duen proiektu personal baten inguruan jardun du Lander Juaristirekin. Zer da ezkutuan duzun hori? izena duen haurrentzako liburua idatzi du, bada, haren inguruan jardun dute gaurko kapituluan.

Guraso.eus atariko kolaboratzaile berria da Leyre Cano. Azkeneko urteetan harremanen inguruan jarduten du, gurasoentzako, hezitzaileentzako eta eragile ezberdinentzako bidelaguntza eta trebakuntza saioak gidatzen ditu. Haurren eta gurasoen arteko hareman harremanari buruzko artikulua idatzi du eta hori abiapuntu hartuta elkarrizketa egin dio Gurasotasunaz hausnartzen podcasteko gidari Lander Juaristik.

Jolas kontuetan aditua da Itsaso Pagoaga eta Guraso.eus atariko kolaboratzailea da hastapenetatik. Aipatutako atarirako idatzi duen azken artikuluan bi urteko haur batek jolaserako dituen mugei buruz jardun du eta hortik abiatuta egin du Lander Juaristik harekin solasaldia.

Huheziko irakasle Amelia Barquin elkarrizketatu du Lander Juaristik Gurasotasunaz hausnartzen podcastaren bederatzigarren kapituluan. Genero eta hizkuntza eta kulturarteko hezkuntza dira, bereziki, Barquinak jorratzen dituen gaiak. 

Guraso.eus atariko aspaldiko kolaboratzaile Manex Beristain gonbidatu du Lander Juaristik Gurasotasunaz hausnartzen podcastaren zortzigarren kapituluan.

June Fernandez kazetari eta idazle bizkaitarra gonbidatu du Lander Juaristik Gurasotasunaz hausnartzen podcastaren zazpigarren kapituluan. Marikazetari izenarekin da ezaguna sareetan eta Guraso.eus atarian ere kolaboratzen du, batez ere amatasun lesbikoen inguruko gaiak jorratuta.

Guraso.eus atariko aspaldiko kolaboratzailea da Sabeletik mundura egitasmoaren atzean dagoen Nahia Alkorta. Ama sareen inguruan jardun du Lander Juaristirekin Gurasotasunaz hausnartzen podcastaren kapitulu berrian. Amatasunean behar den eta askotan falta den sareari buruz jardun dute.

Amaia Arroyo Sagasta Komunikazioan eta Hezkuntzan doktorea da, ikerlaria eta irakaslea da HUHEZIn eta Guraso.eus egitasmoko kolaboratzaile berria. Guraso eta hezitzaileon kezka iturri bilakatu den pantailak eta horiekin egin beharreko bidelaguntzari buruz jardun du Lander Juaristirekin.

Koldo Gilsanz elkarrizketatu du Lander Juaristik eta ospitalizazio momentuen inguruan jardun dute. Aurrez programatutako ebakuntza txikia dela, urgentziazko ospitaleratzea dela, zein gaixotasun luze edo kroniko baten hasiera dela, ospitale batetara joateak sortzen dituen urduritasunen eta beldurren inguruan, hain justu.

Nora Salbotx Alegria elkarrizketatu du Lander Juaristik, Bell Hooks irakasle eta pentsalari feministaren Transgresioa irakasgai. Hezkuntza askatasunaren praktika gisa liburua euskuetan hartuta.

Gurasoen premiak asetzeko gunea den Guraso.eus atariarekin elkarlanean egindako poscasta da Gurasotasunaz hausnartzen eta astelehenero kapitulu berri bat eskaintzen dute Arrasate Irratiko Zaku bete kontu saioan. Adimen gaitasun handiko haurrei buruz jardun du Lander Juaristik Amaia Agiriano adituarekin.

Gurasoen premiak asetzeko gunea da Guraso.eus; helburu horrekin eta adituen eta arituen kolaborazioak baliatuta askotariko gaien inguruko informazio interesgarria batzen dute atari horretan. Aurrerantzean, Arrasate Irratian ere Guraso.eus-eko hainbat elkarrizketa eskainiko dituzte Zaku bete kontu saioan astelehenenetan,  atzo abiatutako Gurasotasunaz hausnartzen izeneko podcastean, Lander Juaristiren eskutik.