Korrika Kulturalaren ekintzen barruan, gatzagarrek arratsalde borobila izan dute gaurkoan. Arratsaldea testigantzak eta bizipenak partekatzen hasi dute. Ludotekan, haurrek, nagusiei euren bizipenen inguruko galderak egin dizkiete, batez ere, euskararekin eta hizkuntzarekin loturikoak, baina baita herriko biziari buruzkoak ere. Nagusiek gerra ondorengo garaiak ekarri dituzte gogora, batez ere, euskara debekatuta zegoen garaietakoak.
Berriketaldiaren ostean, Gatz museotik herrira arte korrika txikia egin dute gatzagar gaztetxoenek. Lekukoa eskurik esku eraman dute haurrek, pozarren. Ondoren, txokolatea eta bizkotxoa dastatzeko aukera izan dute guztiek.
