Gastuei dagokienean, pertsonal gastuetara 179.500 euro bideratuko dituzte; ondasun arruntetan eta zerbitzuetan izango dituzten gastuak 284.600 eurokoak izango dira; transferentzia arruntetan, 48.000 euro; eta inbertsio errealetan, 23.700 euro.
Inbertsioei dagokienez, berriz, handienak bi izango dira: alde batetik, San Migel plazako Udalaren lokaletan komunitate lanen zatirako –5.300 euro– bideratuko dituzte; eta bestetik, Olaun-Dorletako baserrietara ura eramateko 4.000 euro aurreikusi dituzte.
Juanito Bengoa, Gatzagako Mendi zinegotzia honi buruz mintzatu da: "Olaun-Dorleta baserri inguruan ura falta zen eta ura eramateko 4.000 euroko aurrekontua egin dugu. Proba batzuk egin ditugu eta uste dut funtzionatu dezakeela".
Inbertsio gehiago ere izango dira: Labidean azpiegiturak berritzeko eta Udal eraikinean lanak egiteko, 2.800 eta 2.200 euro pasa aurreikusi dituzte, hurrenez hurren. 2.000 euroko hiru diru partida gorde dituzte jarduera turistikoa indartzeko, Gaztainuzketako turismo sustapenerako eta ordenagailua erosteko.
Inbertsioak
|
San Migel Plazako Udalaren lokaletako komunitate lanak egitea |
5.300 euro |
|
Olaun-Dorletako baserrietara ura eramatea |
4.000 euro |
|
Labidean azpiegiturak berritzea |
2.858 euro |
|
Udal eraikinean lanak egitea |
2.212 euro |
|
Gaztainuzketan turismoa sustatzea |
2.000 euro |
|
Ordenagailua erostea |
2.000 euro |
|
Jarduera turistikoa indartzea |
2.000 euro |
|
Tresnak eta erremintak erostea |
500 euro |
Proposamenak garatzen
Bestalde, aurrera begira ere, esku artean beste hainbat proiektu dituztela jakinarazi du Bengoak: "Pilotalekuko teilatua aprobetxatu nahi dugu bertan eguzki plakak jartzeko. Plaka horiek Udaletxeko eraikin guztiak behar duen energia guztia sortuko dute".
Bukatzeko, Bengoak adierazi du dirulaguntza bat ere iritsi zaiela baserri-bideak konpontzeko.
