Goizeko hamaiketan iritsi zen gurasoz eta umez osatutako 14 laguneko koadrila Pagoederrera. Aitzurraz zuhaitzendako zuloak egin ondoren, haritzak landatu zituzten. Leintz gatzagako gaztetxoak oso gustura ibili ziren lan horretan.
Urtean, hainbatetan egiten dituzte zuhaitz landaketak Leintz Gatzagan, eta domekan, aurrez landatutako eremu batean egin zuten hori. Hain zuzen ere, dagoeneko landatuta zeuden haritzak ihartuta zeuden eta horien tokia hartu zuten landatu berri duten zazpi haritz berrik. Txoriendako lau kabi ere jarri zituzten.
