Aurtengo edizioan, Eskoriatzara ordu txikitan iritsiko da Korrika martxoaren 23an, 02:35ean, Leintz Gatzagan behera. Hala, 2241. kilometrotik – Zarimutz– 2246. kilometroraino –Ederlango biribilgunea– zehaztu dute zein erakundek eramango duten lekukoa Eskoriatzan.
Hurrenez hurren: Goienak, Merkatariek, Eskoriatzako Udalak, Atxorrotx Kultura Elkarteak, Huhezik, Arizmendik, Jubilatuek, Luis Ezeizak, EH Bilduk eta Ederlanek.
Goiena izango da lekukoa hartu eta eramaten lehenengoa. Zarimutzen izango da hori, eta Goienak Goienakideei eskaini nahi die lekukoa eramateko aukera; horregatik, zozketa egingo du izena ematen duten Goienakideen artean. Parte hartzeko, Goiena app-eko zozketen gunean egin beharko da, eta horretarako azken eguna martxoaren 19a da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
