Euskaraldiari begira, 27 entitatek eman dute izena Eskoriatzan, eta, horien barruan, zenbait kanpo eta barne arigune sortu dira. Entitate batzuk enpresa izaerakoak dira; beste batzuk, aldiz, hezkuntzakoak, administraziokoak edo merkataritzakoak. Hala, azaroaren 20tik abenduaren 4ra bitarteko ariketa masi- borako entitateek izena emanda, ahobizi edo belarriprest rolak ere aukeratu ditzakete norbanakoek, eta haiek ere eman dezakete izena Euskaraldia.eus webgunean.
Egoerak baldintzatuta
COVID-19ak eragindako egoeran "oso zaila izan da Eskoriatzan batzordea martxan jartzea eta entitateak izena ematera animatzea", adierazi du Mari Karmen Arrietak, Eskoriatzako Euskaraldiko koordinatzaileak. Hala ere, norbanako moduan Euskaraldian parte hartzera gonbidatu gura izan ditu eskoriatzar guztiak.
Batzordekideak, plazan
Euskaraldiko bigarren aldirako hasi dira batzordeko kideak informazioa eskaintzen, amantalak, poltsak eta banderatxoak saltzen... Hala, Gehiago, gehia- gorekin, gehiagotan banderatxoak bost eurotan erosi daitezkeela azpimarratu dute, gero leihoetan eta balkoietan jartzeko.
Eskoriatzan 27 entitate
Honakoak dira Eskoriatzan parte hartuko duten entitateen zerrenda:
| 1.-Akeita taberna |
| 2-Aloña Frutadenda |
| 3.-Altuna Anaiak harategia |
| 4.-Arizmendi ikastola |
| 5.-Arizmendi ikastola |
| 6.-Egokiena elkartea |
| 7.-Eingeinke Kultur Elkartea |
| 8.-Eskoriatza Kirol Elkartea |
| 9.-Eskoriatzako feminista taldea |
| 10.-Eskoriatzako Udala |
| 11.-Fagor Automation |
| 12.-Fagor Ederlan |
| 13.-Huhezi Elk. Koop. |
| 14.-Ixkur ileapaindegia |
| 15.-Kutxabank, S.A. |
| 16.-Laboral Kutxa |
| 17.-Leintz Udal Euskaltegia Mankomunitatea |
| 18.-Luis Ezeiza Herri Eskola |
| 19.-Manuel Muñoz kiroldegia |
| 20.-Txistulariak |
| 21.-Setalde Group |
| 22.-Villar Ileapaindegia |
| 23.-Azkoaga estankoa |
| 24.-Zarus goxodenda |
| 25.-Inkernu taberna |
| 26.-Atxorrotx Kultur elkartea |
| 27.-Gahir Fisioterapia eta Osteopatia |