Paulie & The Wood String talde berria urtarrilaren 7an zen jotzekoa eta Skovers talde eskoriatzarra, berriz, urtarrilaren 14an, baina bi kontzertuak ez dira gauzatuko osasun arazoengatik.
Paulie & The Wood String taldeko Eñaut Zubizarretak –biolontxeloa– bi atzamar apurtu ditu eta Skovers taldeko Iñaki Kortazarrek –bateria-jolea– lotailua (ligamentua). Honen ondorioz, emanaldiak atzeratzea pentsatu dute antolatzaileek. Hauxe adierazi du Kortazarrek: "Bertan behera utzi ditugu. Eñautek bi atzamar apurtu ditu eta nik ere hankako lotailua ez daukat ondo. Dena den, aurrerago emango ditugu kontzertuak, baina data zehazteko daukagu…".
