Kontrako barik onartu dituzte aurrekontuak Eskoriatzan

Imanol Beloki Unamuno 2016ko abe. 21a, 17:16

Eskoriatzako udalbatzak, alderdi jeltzalearen eta Elizateen aldeko bozekin eta EH Bilduren eta Irabaziren abstentzioekin, onartutzat eman ditu 2017ko aurrekontuak. Udal Gobernuak EH Bilduren eta Irabaziren eskaerak aurrekontuen proposamenean ezarri ditu, batzordeetan eztabaidatu ondoren, eta erabateko baietzik ez jaso arren, alderdi batak besteari eskertu dio izan duen jarrera eta aurrekontuak garatzeko modua.

Hala, Eskoriatzak 5.359.298 euroko aurrekontua izango du datorren urterako, 2016koa baino %5 handiagoa. Hasiera batean, Udal Gobernuak egin nahi zuen inbertsio nagusia Alberja zaharra edo Labaderoa moduan ezaguna den ingurua konpontzea zen. Baina oposizioaren eskaerak eta baldintzak betetzeko erabiliko da inbertsio horretako zati bat. Dena den, alkateak adierazi du, gai hau baztertu barik, hasiera baten, alde batera utziko dutela eta proiektua lantzen joango direla.

Hurrengo proiektuak, parkeak

Inbertsioei begira, jolas-parke bat egin nahi da Kuatruenako urbanizazioan, eta Apotzaga auzoko umeen parkea konponduko dute. Bestalde, alkateak adierazi du gaur egun ere gauzatzen ari direla hainbat lan: "Intxaurtxuetako obrak martxan jarri ditugu, Arbiñostetik datorren espaloia… Iaz hasi genuen hiri-berritze planean jasotako eskaerak jasota ditugu. Ia %80 eginda egon arren, 2017rako utzi ditugu falta direnak…".
Sail ezberdinei dagokienez, orokorrean Euskara Sailak, gizarte arloek eta garapenak dezenteko igoera izango dutela ere adierazi zuen alkateak.

Hurrengo inbertsioak, parkeak

Inbertsioei begira, haur parke bat egin nahi da Kuatruenako urbanizazioan eta Apotzaga auzoko umeen parkea konponduko dute. Bestalde, alkateak adierazi du gaur egun ere gauzatzen ari direla hainbat lan: "Intxaurtxuetako obrak martxan jarri ditugu, Arbiñostetik datorren espaloia… Iaz hasi genuen hiri-berritze planean jasotako eskaerak jasota ditugu. Ia %80a eginda egon arren, 2017rako utzi ditugu falta direnak…".

Sail ezberdinei dagokienez, orokorrean, euskara sailak, gizarte arloek eta garapenak dezenteko igoera izango dutela ere adierazi zuen alkateak.

EH Bilduren eskaerak jasota

EH Bilduko Aitor Zubizarretak adierazi du aurrekontuetan txertatuak izan diren baldintza edo eskaerak hauek izan direla: "Aurrekontuak herritarrekin batera eta batzordeetan eztabaidatu behar direla eskatu dugu. Aurtengoen garapenean eta datozen aurrekontuetarako. Prekarietatearen Eskoriatzako egoera aztertu behar da, partida bat horretarako bideratuz. Karpa bat erostea, inbertsio gisa. Herriko ekimenak egiterakoan eguraldiaren menpe ez egoteko eta alokatzen ez ibiltzeko. Eta, azkenik, PERCOari lotuta komertzio mahai bat eratzea herriko merkataritzari laguntzeko".

Irabazi eskertuta

Rafa Bernal Irabazi alderdiko bozeramailearen esanetan: "Gure zuzenketak dira: Agenda 21a sustatzea, enplegua bermatzea zailtasunak dituztenei laguntzeko, elkartasuna adieraztea behar gehiago dutenei eta garapenari partidak handitzea. Udal Gobernuaren jarrera ona iruditu zaigu eta horregatik abstentzioa eman dugu, baina eskertu egin dugu euren jarrera".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak