Aitzorrotz Kultura Elkartearen Eguna, Eskoriatzan [ZAPATUA]

Urtero moduan, egitarau zabala gertatu dute zapatuan egingo den Aitzorrotz Kultura Elkartearen Egunaren bueltan. Eguerdian sagardo eta talo postuak zabalduko dira plazan, eta umeek puzgarrietan eta tailerretan ibiltzeko aukera izango dute. Herri bazkaria ere ez da faltako; sagardotegi menua gertatuko dute aurten plazan bertan. Txartelak salgai egongo dira zapatura arte. Arratsaldean, berriz, musika izango da nagusi.

Esan bezala, eguerdi partean hasiko dira ekintzak: erdiko kalea itxita egongo dela aprobetxatuta, umeendako puzgarriak jarriko dituzte plaza inguruan, eta jokoak ere egingo dituzte.  Etxeko txikienek ederto pasatzen duten bitartean, helduek sagardo eta taloa dastatzeko aukera izango dute aurten ere.

Bazkaltzeko ordua heltzen den bitartean, gura duena kultura etxera ere joan ahal izango da, lehen solairuan dagoen toponimoen erakusketa ikustera.

Sagardotegi menua

Herri bazkarian berrikuntzak daude: herriko harakinen laguntzarekin, sagardotegi menua prestatuko dute aurten plazan. Txartelak bihar, zapatua, goizera arte erosi ahalko dira; elkarteko bazkideendako 13 eurotan salduko diren bitartean, gainerakoek 15 euro ordaindu beharko dituzte; eta umeen txartelek 10 euro balio dute.

Bazkaldu ostean, 17:00etatik 19:00etara, puzgarrietan eta tailerretan ibiltzeko aukera izango dute ostera haurrek. Musika ere ez da faltako. 18:30ean, Bide Ertzean taldeak kaleratutako azken lana aurkeztuko du Inkernu kanpoaldean. Iluntzean, triki poteoaren ostean, Akerbeltzen txanda izango da; 21:00etan hasiko dantzaldia toki berean.

Harpidetza kanpaina

Bestalde, Aitzorrotz kultura elkartetik jakinarazi digute biharko eguna aprobetxatuko dute harpidetza kanpaina martxan jartzeko.

Erlazionatuak

San Migel Txiki jaiak, Oñatin [EGUBAKOITZETIK DOMEKARA]

Oñati

San Migel Txiki jaiak dira asteburuan. Gaurtik, egubakoitza, domekara bitartean, beraz, egongo da zer entzuna, ikusia edo egina kale Zaharrean. Zap...
X. Magia Mostra, Elgetan [EGUBAKOITZETIK DOMEKARA]

Elgeta

Gaur hasi eta domeka bitartean, Estatuko zein atzerriko magoen topaleku bilakatuko da beste behin Espaloia antzokia baina baita Elgetako taberna ze...
Txirri Mirri eta Txiribiton, Bergaran [DOMEKA, 18:00]

Bergara

Aspaldiko partez, Debagoienean izango dira berriz Txirri, Mirri eta Txiribiton, euskal pailazo beteranoenak. Etzi, domeka, 'Dantzan' ikuskizuna egi...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.