Txirri Mirri eta Txiribiton, Bergaran [DOMEKA, 18:00]

Leire Kortabarria 2014ko mai. 9a, 13:08
Mirri, Txiribiton eta Txirri.
Aspaldiko partez, Debagoienean izango dira berriz Txirri, Mirri eta Txiribiton, euskal pailazo beteranoenak. Etzi, domeka, 'Dantzan' ikuskizuna egingo dute Bergarako pilotalekuan, 18:00etan, Pikupe Produkzioen eskutik. Sarrerak salgai daude, 7 eurotan, kultura etxean, Benjamin oinetako-dendan eta Pikupen. Egunean bertan, 9 eurotan salduko dituzte.

Pailazoek eurek azaltzen digute zer ekarriko duten Bergarara: "Erromeria bat da Dantzan ikuskizuna. Txiribitonek akordeoia joko du eta Mirrik, txistua. Umeei dantzak erakutsiko dizkiegu ohiko umore giroan, eta esketxak ere egingo ditugu". Ikuskizunera joaten diren ume eta gurasoek "barre batzuk" egingo dituztela agintzen dute pailazoek.

Hori bai, lotsa alde batera utzi beharko dute; izan ere, "oso ikuskizun parte-hartzailea da", esaten dute pailazoek.

Musika ezaguna

Beraz, musikologia izango da nagusi Dantzan emanaldian: Barre Egin, Sudur Gorria, Allakuidaus, Zarata Orkestra, Aiton-Amonak Txapeldun, Pintto Pintto eta Altza Pelipe mitikoak, besteak beste.

Arin-arina, kalejira, aulki dantza, zazpi-jausi, balsa… Denetik dantzatzen dute Txirri, Mirri eta Txiribitonek, eta ez pentsa inor libratuko denik, ipurdi guztientzako deialdia baita Dantzan ikuskizuna. Euskal musika, betiko Txirri Mirri eta Txiribitonen abestiak eta betiko hirukote bihurria izango dira Bergaran domekan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak