Istripua uztailaren 25ean gertatu zen Amorebieta-Etxanon, N-634 errepidean. Auto batek Bilboko noranzkoan zihoan txirrindulari bat harrapatu zuen, eta gidariak ihes egin zuen. Zauritua Gurutzetako ospitalera eraman zuten, eta egunean bertan, arratsaldean hil zen.
Bizkaiko Trafikoko Lurralde Unitateak segitua abiarazi zuen ikerketa eta lekukoak eskatu zituen, istripuan ibilgailu bat inplikatuta zegoela eta ihes egin zuela jakitean. Era berean, egindako ikerketen ondorioz, txirrindularia zehazki zein ibilgailurekin harrapatu zuten jakitea lortu zuten.
