2015a ezkero Korrika Elgetatik pasa barik dago, baina oraingoan bai: martxoaren 20an helduko da, 08:34an, Bergaratik. Ondoren, Zaldibarrerako noranzkoa hartuko du Aixolako bidetik. Hori horrela, Elgetako Korrika batzordea martxan da. Aurreko martitzenean egin zuten lehen batzarra eta bihar, hilak 16, egingo dute bigarrena, 18:30ean, udaletxean.
Gari Andueza da Debagoieneko Korrika koordinatzailea. Batzordearen lehen egitekoak dira Korrika laguntzaile eta Korrika lagun kanpainak bultzatzea. Arropa salmenta ere egingo dute. Asteburuan –urtarrilaren 19an eta 20an– Korrikako arropa erosteko aukera izango da herrian.
