Ibon Unzetabarrenetxea izango da EHBilduren Elgetako hautagaia. Sare sozial bidez zabaldu duten aurkezpen bideoan adierazi du Unzetabarrenetxeak "ilusioz eta gogo handiz" eman duela baiezkoa, "Orain dela gutxi jaso dut Elgetako EHBilduko mahaiaren proposamena, maiatzeko hauteskundeetan alkategai izateko, eta zera adierazi nahi diet herritarrei, ilusioz eta gogo handiz eman dudala baiezkoa. Eskerrak eman nahi ditut nigan jarri duten konfiantzagatik eta zin dagizuet Elgeta hobetzeko helburuarekin egingo dudala lan, eta nire eskuetan dagoena egingo dudala herriarendako eta baita herritarrendako ere".
Unzetabarrenetxea ezaguna da herrian, besteak beste, automobilismoa eta pilota dituelako zaletasun. Hala, herri mailan hainbat ekitaldi antolatzeko laguntzen ibili izan da. Esaterako, Mendi Mendia racing jaialdia edota Elgetako pilota txapelketa.