Elgetarrak ere plazara irten dira etorkizun parekideago bat aldarrikatzeko

Sortu berria den Amantalak emakume taldearen aurkezpena egin zuten, atzo, Elgetan.

Bi elkarretaratze eta sortu berria den Amantalak emakume taldearen aurkezpena egin zituzten atzo, Martxoak 8, Elgetan. Egun osoko aldarrikapena izan zen; izan ere, izarak, arropak eta askotariko etxeko tresnak zintzilikatu zituzten udaletxeko balkoitik.

Martxan da Elgetako emakume taldea eta Martxoaren 8a aukeratu dute herritarren aurrean sorrera ekitaldia egiteko. Atzo iluntzeko elkarretaratzearen ostean eman zuten taldearen nondik norakoen berri eta trena martxan jartzeko eguna zela iragarri zuten. Gauza asko daude oraindik finkatzeko, baina espazio bat sortu da, eta hasiera batean behintzat adin askotariko emakumeak elkartu ditu. "Taldeak, oraingoz, Amantalak du izena", esan zuen atzoko ekitaldian aurkezpen lanak egin zituen Olaia Jimenezek. Taldeko ateak zabalik daudela ere gaineratu zuen.

Bi elkarretaratze plazan

Elgetan ere emakumeak izan ziren protagonista atzo. Bi elkarretaratze egin zituzten, bata 11:00etan eta bestea 19:00etan. Hainbat aldarrikapen entzun ziren batez ere iluntzeko kontzentrazioan. Musikarekin, poesiarekin eta antzerkiarekin jantzi zuten ekitaldia.

Plazako ekintzak amaitutakoan zeramika gelan prestatutako erakusketa ireki zuten. Elgetako hainbat emakumeren zaletasunak eta lanak erakutsiko dira bertan domekara arte.

Erlazionatuak

Martxoak 8: elkarretaratzeak Elgetan

Elgeta

Goizean, Elgetan, elkarretaratzea plazan eta talde argazki koloretsua Herri Eskolan

Elgeta

Bi elkarretaratze daude deituta Emakumeen Nazioarteko Eguna aldarrikatzeko Elgetan. Goizean egindakoan 60 bat lagun elkartu dira. Herri Eskolako la...
Greba feminista "historikoa", argazkitan

Debagoiena

Emakumeok planto lelopean mugimendu feministak deitutako grebak babes zabala izan du, eta Debagoieneko herri guztietako plazak bete dituzte emakume...
Emakumeek lanuzteekin "planto" egin dute

Debagoiena

Martxoak 8an "emakumerik gabeko herrialdea gelditu egingo litzatekeela" aldarrikatzeko lanuzteak egin dituzte Debagoienean sektore, enpresa eta zer...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.