Goizean bailarako herrietan aldarrikapenak egin ostean, auto-topaketak egin eta Eibarko bidea hartu dute ehundaka debagoiendarrek han izan baita Deba bailarako manifestazio orokorra. 11:30ean elkartu dira Eibarko Urkizu plazan, eta handik Untzaga plazara abiatu da Debagoieneko zutabea eta han elkartu da Debabarreneko blokearekin. Manifestazio jendetsua izan da; Debagoieneko Kontseilu Sozialistak emandako datuen arabera, 8.000 lagun elkartu dira.

ELA, LAB, ESK, Steilas, Etxalde eta Hiru sindikatuek, Euskal Herriko Etxebizitza Sindikatuen Sarearekin eta Etxebizitza Sindikatu Sozialistarekin batera deitutako greba orokorraren barruan, goizean goizetik atera dira kalera piketeak Arrasaten, Bergaran, Oñatin eta Aretxabaletan.