"50 urteko eskaladaren historia" batu da Martin Ramirez de Aldari Araotzen egindako omenaldian

Idoia Aranbarri Arzuaga 2026ko maiatzaren 11

Martin Ramirez de Aldari egindako omenaldiko talde argazkia Araotzen. (Argazkia: B.E.).

Martxoaren 23an hil zen Martiz Ramirez de Alda eskalatzaile bergararra eta zapatuan hura omentzeko ekitaldia antolatu zuen Bergarako eskalatzaileak taldeak. Ramirez de Aldaren familiarekin batera 50 urteko eskaladaren historia, 150 lagun inguru, batu zirela adierazi dute antolatzaileek.

Proiekzioa, bertsoak, hitzaldiak, musika eta luntxa antolatu zituzten eta "ekitaldi polita eta hunkigarria" izan zela gaineratu dute. Eskerrak eman dizkiete Angiozar eta Araotz auzoei emandako laguntzagatik, eta ekitaldian parte hartu eta bertar gerturatu ziren guztiei. Bergarako eskalatzaileek ere Ramirez de Aldari buruzko gutuna ere argitaratu dute.