Goya Sariak banatu zituzten pasa den zapatuan, hilaren 10ean, Valladoliden (Espainia), eta Estibaliz Urresola zuzendari laudioarraren 20.000 especies de abejas pelikulak hiru Goya sari eskuratu ditu. Hain justu, jatorrizko gidoi onenaren eta zuzendari berri onenaren sariak eskuratu ditu Urresolak, eta Ane Gabarainek, berriz, taldeko emakumezko onenaren saria.
Iazko apirilaren amaieran estreinatu zuten pelikula, eta aste gutxira izan zen Hemen Debagoiena saioan Urresola. Areago, Txomin Madina Milikua kazetariak elkarrizketa egin zion Puntua aldizkarian.