100 urte zituela hil da Tomas Alzola Murua. Jaiotzez aretxabaletarra Juventud Deportiva Aretxabaleta izenarekin eratu zen UDAko lehen futbol taldeko jokalaria izan zen, 1946-1947 denboraldian. Aitortza egin zion kirol taldeak 2022an, UDAren 75. urteurreneko ospakizunen bueltan. Arrasateko AGA enpresaren sortzaileetako bat ere izan zen, 1963an hain zuzen ere.
Jon Sagasta Eguidazu (Arrasate, 1947) UCEAn, Juventud Deportiva Mondragon taldean, Sansen eta Realean jokatu zuen, besteak beste. 1966ko udan fitxatu zuen Sansek eta 1967ko abuztuan txuri-urdinen lehen taldera egin zuen salto. Eskuin hegaleko jokalaria zen.
Gaur jaso dute biek senitartekoen eta lagunen azken agurra, batera, Arrasateko San Juan Bataiatzailearen parrokian.
