Urrezko intsignia eta lore-sorta jaso zituen Alzolak 2022ko martxoan. UDAko hainbat ordezkari joan ziren haren etxera; argazkian, senideekin batera.
Lehen taldea
Juventud Deportiva Aretxabaleta izenarekin eratu zen UDAko lehen futbol taldea 1946-1947 denboraldian, eta Iturripeko futbol zelaia erabili behar izan zuen hasiera hartan. Hain zuzen ere Iturripen jokatu zuen lehenengo partidu ofiziala 1946ko irailaren 15ean, Ondarroako Aurreraren aurka. Jazinto Azurmendi izan zen lehenengo entrenatzailea eta 28 jokalariren artean Tomas Alzola zegoen.
AGA enpresaren sortzaile
Sarrailetarako osagaiak ekoizten dituen Arrasateko AGA enpresaren sortzaileetako bat izan zen 1963an, Ayesa eta Goñirekin batera –hortik AGA izena–. Tailer txiki batean eman zituzten lehen pausoak, gaur egun duten egoitzara mugitu arte. Hala, sei hamarkada bete dituzte sarrailetarako osagaiak egiten.
Hileta, astelehenean
Hileta elizkizuna urtarrilaren 22an, astelehena, izango da 19:00etan, Arrasateko San Juan Bataiatzailearen parrokian.