Debagoienean ere lehen urratsak egiten dabiltza, Korrika batzordeak sortzeko lehen batzarrak egingo baitituzte egunotan. Antzuolan eta Bergaran, esaterako, atzo elkartu ziren lehen aldiz, eta gaurtik aurrera batzartuko dira gainontzeko herrietan. Bada, hemen dituzue deialdiak:
- Arrasate: urtarrilak 10, eguaztena, Kulturateko Loramendi gelan, 18:00etan.
- Elgeta: urtarrilak 10, eguaztena, udaletxeko bilera gelan, 18:30ean.
- Leintz Gatzaga: urtarrilak 12, egubakoitza, eskolan, 19:00etan.
- Eskoriatza: urtarrilak 15, astelehena, Kultur Etxean, 18:00etan.
- Oñati: urtarrilak 15, astelehena, Euskaldun berria gelan, 18:00etan.
Horrez gain, Aretxabaletako eta Aramaioko batzordeen batzarrak zehaztu gabe daude oraindik, baina egingo dira.
