Atzotik %4ko BEZa duten hainbat produktuk ez dute izango ekainaren 30a arte; horien artean daude honakoak: ogia, esnea eta esnekiak, arrautzak, barazkiak, lekaleak, zerealak eta frutak, besteak beste. Bestetik, olioaren eta pastaren BEZa, %10etik %5era jaitsi dute.
Bestetik, emakumeen higiene-produktuen eta preserbatiboen prezioak ere merkeagoak izango dira, BEZa % 10etik % 4ra jaitsi dutelako. Kasu honetan legealdi osoan egongo da neurria indarrean.
Garraioa
Garraioari dagokionez amaitu dira erregaia ordaintzeko laguntzak; eta bidesarien prezioek, oro har, gora egingo dute, baina Gipuzkoaren kasuan deskontu-plan berria jarriko du abian Foru Aldundiak.
Garraio publikoaren erabiltzaileek, ostera, 2023 osoan jarraituko dute iaz ezarritako deskontuekin. Autobus-zerbitzua erdi prezioan egongo da, eta Renferen aldiriko eta distantzia erdiko trenak doakoak izango dira; azken kasu horretan, abonu berri bat atera beharko da.