Eskoriatzan 03:15ean eman diote sua Euskal Herria plazako edukiontzi bati, Ertzaintzak jakitera eman duenez. Bideoan ikusten den bezala, Arrasaten egun argitan, 08:15ean, egin dute beste horrenbeste Kontzeziño kalean bi edukiontzirekin, Udaltzaingoak emandako datuen arabera. Bi ezbeharretan ez da kalte material handiagorik egon.
Aretxabaletan izan dira sute larrienak, bost bat edukiontzi erabat deseginda eta beste hainbat kaltetuta geratu direlako. Gainera, auto batek ere jasan ditu sugarren ondorioak.
