2020ko azarotik kasurik baieztatu gabe ziren Arrasateko Iturbide egoitzan. Azken astean, baina, egoera oso bestelakoa da. Gipuzkoako Foru Aldundiak emandako datuen arabera, 13 egoiliar daude kutsatuta uneotan Garibai Hiribideko eraikinean, astearteko azken datu eguneraketan baino bat gehiago.
Orotara, 32 dira Gipuzkoako adinekoen egoitzetan COVID-19az kutsatuta dauden egoiliarrak; %40a Arrasateko eraikinean. Beste kasuak Donostiako La Paz eta Gurutze Gorria egoitzetan (9 eta 3), Lazkaoko Txindoki eraikinean (3), Lasarte-Oriako Atsobakar egoitzan (2) eta Irungo Anaka zentroan (2) atzeman dira. Beraz, bailarako gainerako egoitzetan ez da kutsaturik uneotan.
