Azken bi asteetan 331 koronabirus kasu atzeman dira Debagoienean, eta horri lotuta azpimarratu behar da heren bat baino gehiago azken hiru egunetan hauteman direla. Beheko taulan daude datuak zehaztuta:
| Herriak | Astelehena | Asteartea | Eguaztena | GUZTIRA |
| Arrasate | 15 | 12 | 13 | 40 |
| Oñati | 13 | 12 | 5 | 30 |
| Bergara | 9 | 13 | 3 | 25 |
| Antzuola | 8 | 3 | 2 | 13 |
| Eskoriatza | 4 | 2 | 5 | 11 |
| Aretxabaleta | 3 | 2 | 4 | 9 |
| Aramaio | 1 | 0 | 1 | 2 |
| Elgeta | 0 | 1 | 0 | 1 |
| Leintz Gatzaga | 0 | 0 | 0 | 0 |
| GUZTIRA | 53 | 45 | 33 | 131 |
- Grafiko eta datu guztiak ikusgai daude goiena.eus-eko azken datuak atalean.
Bailarako tasa, 500etik gora
Datuen gorakadarekin batera, intzidentzia-tasak ere gora egin du eta 510,73an kokatu da bailarakoa. Herriei dagokienez, Bergara ere 500etik gora dago (565) eta baita Antzuola ere (2.661), eta Leintz Gatzaga eta Aramaio salbu, denak daude eremu gorrian (150etik gorako tasarekin). Bestetik, Aramaion erregistratu diren azken bi kasuekin, eremu laranjara igaro da udalerria.
EAE ere, aldapan gora
5.000 positibo baino gehiago baieztatu dira azten astean, eta intzidentzia-tasa 374,64ra igo da. Halere, Gipuzkoa da, beste aste batez, aurretik doan lurraldea. Intzidentzien mapa ikustea besterik ez dago:
Bestetik, domekatik atzora bitartean, pandemiak hedatzen jarraitu du eta gehitu egin dira batez beste pertsona batek kutsa ditzakeenak. Oinarrizko birsorkuntza datua 1,26tik 1,29ra igo da:
Bukatzeko, erietxeei erreparatuta, hiru egunetan 168tik 179ra igo dira plantan daudenak eta 31tik 36ra ZIUetan daudenak. Ospitaleko okupazioari dago Osasun Saila, eta egoerak okerrera egiten jarraitzen badu, neurriak hartuko direla adierazi dute asteon.