Orain arte pandemiak bailaran utzitako datuei erreparatuz, Debagoieneko biztanleen % 12,18k hartu du koronabirusa. Arrasaten hauteman dira kasu gehien, eta ondoren, Bergaran eta Oñatin. Eta herri bakoitzeko positiboei erreparatuz, proportzioan, Arrasate izan da nagusi (arrasatearren % 14,21k hartu du gaitza), baina atzetik Oñati (% 12,29) eta Aramaio (% 12,16) izan ditu.
Hurrengo taulan daude iazko martxotik aurreko eguenera arte baieztatutako positiboak (lehenengo zutabean); herri bakoitzean atzemandako kasuak herriko biztanleekiko (bigarren zutabean); eta Debagoienean atzemandako kasuak zenbat diren herrietan banatuta (azken zutabean).
| Herria | Kasuak metatuak |
Herriko biztanleekiko |
Bailarako banaketa |
| Antzuola | 255 | % 11,70 | % 3,1 |
| Aramaio | 180 | % 12,16 | % 1,9 |
| Aretxabaleta | 806 | % 11,38 | % 9,9 |
| Arrasate | 3.139 | % 14,21 | % 42,3 |
| Bergara | 1.626 | % 10,81 | % 21,3 |
| Elgeta | 64 | % 5,65 | % 1 |
| Eskoriatza | 403 | % 9,82 | % 4,9 |
| Leintz Gatzaga | 11 | % 4,4 | % 0,1 |
| Oñati | 1.410 | % 12,29 | % 15,5 |
| Debagoiena | 7.894 |
% 12,18 | % 100 |
EAEko tasa altuena, Gipuzkoak
Euskal Autonomia Erkidegoko lurraldeen artean positibotasun-tasa altuena duena da Gipuzkoa; lurraldeko biztanleen %10 kutsatu da pandemia hasi zenetik. Gainera, azpimarratzekoa da 88 udalerrietatik 35etan gainditu dela % 10 hori.
Debagoienean, sei dira % 10eko positibotasuna gainditzen duten herriak: Arrasate, Oñati, Aramaio, Antzuola, Aretxabaleta eta Bergara.
