80, 90 eta 100 urtetik gorakoei lehenengo eta bigarren dosia ematen jarraituko du Osakidetzak aste honetan; aldi berean, kolektibo profesionaletan falta diren 65 urterartekoei, eta, adin erizpidearekin, aurten 65 urte bete dutenei txertatuko zaie.
Hitzorduak emateko moduak
80 urtetik gorakoei, telefonoz ari da deitzen Osakidetza. Beraien etxeetatik gertu dauden osasun zentroetan edo bestelako guneetan txertatzen zaie. Lehen dosia jasotzen dutenean, bigarren dosiaren hitzordua ematen zaie. Etxetik irteteko gai ez direneei, berriz, beraien etxeetan ematen die txertoa Osakidetzak. Orain arte 9.948 pertsonek jaso dute txertoa etxean.
65 urtetik beherakoei, dagokienez, hitzordua emateko modu bikoitza erabiltzen du Osakidetzak. SMS bidez eskatuko zaie webgunean hitzordua eskatzeko, baina, edozein gorabehera gertatuta edo mezua bidaltzeko daturik ez balego, telefonoz deituko die Osakidetzak
Edozein kasutan, Osakidetza jarriko da pertsona bakoitzarekin hartu-emanetan, hitzordua emateko.
Txertaketa guneak
Debagoienean sei gune daude ezarrita koronabirusaren aurkako txertoa jartzeko: Debagoieneko ospitalean, batetik, eta Bergarako, Oñatiko, Arrasateko, Aretxabaletako eta Eskoriatzako Osasun etxeetan, bestetik.
Derbiaren baitan
Gotzone Sagardui Osasun Sailburuak nabarmendu du txertoa eraginkorra dela, baina, osasun neurriak betetzen jarraitu behar dutela herritarrek. "Txertoa tresna eraginkorra da birusa geldiarazteko, baina ez bakarra. Neurriak betetzen jarraitu behar dugu".
Bestalde, Eusko Jaurlaritzak ekimen bat sustatu gura izan du, Athleticekin eta Realarekin elkarlanean, herritar guztiak kontzientziatzeko, batez ere zaleak, zapatuko partida "bihotzarekin bizi" dadin, baina "buruarekin joka" dadin; "Kopa hau etxean geratzen baita". Leloak esanahi bikoitza du eta biztanleriak pilaketak saihestea du helburu.
