Herri bakoitzeko zapi bat izango da, hainbat lelorekin, Euskal Herriko Emakume Mundu Martxaren ordezkaritzaren esku utziko dena. Zapi guztiak pilatzeko, ondorengo ordutegia prestatu dute –herri mugakideekin elkartu eta horrela joango dira zapiak batzen, arratsaldean denak Eskoriatzan egon daitezen–.
- 09:00 Bergarako Udal pilotalekuan (Bergara)
- 09:30 Uberan (Elgeta-Bergara)
- 10:30 Elorregin (Bergara-Oñati-Arrasate)
- 10:30 Marulandan (Leintz Gatzaga-Eskoriatza)
- 13:30 Mugarrin (Arrasate-Aretxabaleta)
- 14:30 Almenen (Aretxabaleta-Eskoriatza)
- 18:00 Eskoriatzan, Euskal Herriko EMMaren ordezkariei zapiak entregatzeko ekitaldia.
Aurtengo martxaren oinarriak, feminismoa, dekolonialitatea eta antiarrazismoa izango dira, eta zehazki, V. ekintza honetan, mugen, transnazionalen eta migrazioen irakurketa kritikoa egingo da. Hala azaldu dute Mundu Martxako webgunean.
