Aramaiok 810,81eko intzidentzia-tasa erregistratu zuen atzo, bost kasu berri atzeman ostean. Azken asteko joerak (zazpi egunetan hamaika positibo baieztatu dira) intzidentzia puztu du, baina astelehenera arte, Osasun Sailak ez du ohiko zerrenda argitaratuko; hortaz, ordura arte –500etik gorako intzidentzia izan arren– ostalaritzako establezimenduak eta eskola kiroleko entrenamenduak ez dira debekatuta egongo.
Intzidentzia altuena duen hurrengo herria Aretxabaleta da: 466,10. Gertu dago 500eko langatik, eta hortaz asteburuko bilakaera aztertu beharko da astelehenean "udalerri gorri" izango den edo ez ikusteko.
Beste muturrean dago Oñati; EAEko 5.000 biztanletik gorako herrien artean intzidentzia-tasa txikiena du: 95,92. Gainera, azpimarratzekoa da hurrengo tasa txikiena duen herria Bergara dela (219,47).
Azken 14 egunetako positiboak herririk herri:
| Urtarrilak 15 | Urtarrilak 16 | Urtarrilak 17 | Urtarrilak 18 | Urtarrilak 19 | Urtarrilak 20 | Urtarrilak 21 | Urtarrilak 22 | Urtarrilak 23 | Urtarrilak 24 | Urtarrilak 25 | Urtarrilak 26 | Urtarrilak 27 | Urtarrilak 28 | Intzidentzia tasa | ||
| Aramaio | 1 | 0 | 0 | 0 | 0 | 0 | 0 | 1 | 1 | 3 | 0 | 0 | 1 | 5 | 810,81 | |
| Antzuola | 0 | 0 | 0 | 0 | 1 | 0 | 0 | 0 | 0 | 0 | 0 | 1 | 3 | 2 | 321,25 | |
| Aretxabaleta | 0 | 1 | 2 | 3 | 3 | 6 | 4 | 4 | 1 | 1 | 1 | 1 | 1 | 5 | 466,10 | |
| Arrasate | 6 | 5 | 2 | 4 | 5 | 5 | 4 | 4 | 5 | 4 | 7 | 12 | 9 | 4 | 344,17 | |
| Bergara | 0 | 0 | 3 | 1 | 0 | 2 | 2 | 3 | 1 | 6 | 5 | 3 | 4 | 3 | 219,47 | |
| Elgeta | 0 | 0 | 0 | 0 | 0 | 0 | 0 | 0 | 0 | 0 | 0 | 0 | 1 | 0 | 88,42 | |
| Eskoriatza | 0 | 1 | 0 | 1 | 0 | 0 | 0 | 0 | 0 | 0 | 0 | 0 | 1 | 0 | 73,12 | |
| Leintz Gatzaga | 0 | 0 | 0 | 0 | 0 | 0 | 0 | 0 | 0 | 0 | 0 | 0 | 0 | 0 | 0 | |
| Oñati | 3 | 0 | 0 | 2 | 1 | 0 | 1 | 1 | 0 | 1 | 1 | 1 | 0 | 0 | 95,92 |
>Grafiko guztiak modu interaktiboan ikusi hemen.
Bestetik, atzo jakinarazi bezala, Osasun Sailak udalerrietako positibo metatuen datuak doitu ditu, eta azken berrien arabera, honako hauek dira bailarako udalerrietan pandemia hasi zenetik kutsatutako herritarrak: Arrasaten 2.209, Bergaran 1.103, Oñatin 631, Aretxabaletan 491, Eskoriatzan 254, Antzuolan 155, Aramaion 88, Elgetan 51 eta Leintz Gatzagan 8. Guztira, 4.990 Debagoienean.
Ospitaleratuek, gora
Hego Euskal Herrian 20.833 proba diagnostiko egin ziren atzo, eta 1.517 kasu berri hauteman dira; %7,3k eman du positibo EAEn (herenegun baino %0,9 gutxiagok) eta %7,1ek Nafarroan (aurreko egunean baino %0,2 gehiagok). Lurraldeka, azken joera jarraituz, Bizkaian atzeman dira kasu gehien (714), eta atzetik ditu Gipuzkoa (357), Nafarroa (253) eta Araba (178). Horrez gain, beste lurraldeetan erroldatutakoen artean hautemandakoak hamabost izan dira.
Erkidegoko spitaleei erreparatuta, 86 lagun ingresatu zituzten atzo. Herenegun baino zortzi gutxiago badira ere, 745 pertsona daude erkidegoan ospitaleratuta (horietatik 140 ZIUn). Honako taula honetan daude azken zazpi egunetan erkidegoko ospitaleek izan duten bilakaera:
| DATAK | ZIUn ingresatutakoak | Ospitaleratze berriak | Plantan daudenak |
| 01-21 | 109 | 77 | 501 |
| 01-22 | 109 | 104 | 516 |
| 01-23 | 120 | 64 | 538 |
| 01-24 | 122 | 48 | 560 |
| 01-25 | 125 | 86 | 548 |
| 01-26 | 134 | 89 | 560 |
| 01-27 | 137 | 94 | 570 |
| 01-28 | 140 | 86 | 605 |
Bestetik, Nafarroako erietxeetan bederatzi lagun ingresatu zituzten atzo, eta orotara 192 lagun daude ingresatuta; horietatik 32, ZIUn.
