203 kasu berri Gipuzkoan azken 24 orduetan

Atzo, urtarrilak 8, Hego Euskal Herrian 12.464 froga diagnostiko egin ziren. Horietatik 821 izan dira COVID-19 positibo kasuak. Lurraldeen arabera, 5 Araban, 354 Bizkaian, 203 Gipuzkoan eta 163 Nafarroan atzeman dira. EAEko positibotasun tasa % 6,9ekoa da; Nafarroakoa, aldiz, %5,5ekoa. Eusko Jaurlaritzak udalerrietako kasuak eta R0 indizea astelehenean eguneratuko ditu.

Guztira, 9.504 froga diagnostiko egin ziren atzo EAEn, eta haietatik, 658 positiboak izan dira (% 6,9). Lurraldeen arabera: 95 Araban, 354 Bizkaian, 203 Gipuzkoan eta beste erkidego batzuetakoak 6 kasu izan dira. Ospitaleen egoerari dagokionez, COVID-19aren ondorioz, 63 pertsona ospitaleratu ziren atzo, eta  75 pertsona ZIUn daude. Udalerrietako kasuak eta R0 indizea astelehenean eguneratuko ditu Jaurlaritzak.

Nafarroan positibotasun tasak behera

Foru Erkidegoan atzo, 2.960 proba (PCR eta antigenoak) egin ziren eta horietatik 163  positibo atzeman dira. Positibotasun-tasa %5,5ekoa da eta tasak 1,3 puntu egin du behera. Eguenean zazpi pertsona ospitaleratu zituzten COVID-19arekin Nafarroako erietxetan, horietako bat ZIUn dago.  

Erlazionatuak

LABIk "oso kezkagarritzat" jo du egoera eta astelehenean jakinaraziko du neurri berririk hartuko duen

Debagoiena

Egungo datuak "oso kezkagarritzat" jo ditu gaur, egubakoitza, LABI teknikoak egin duen bileran. Astelehenean  batzordeak COVID-19ari aurre egi...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.