Hamalau positibo baieztatu dira Debagoienean, horietatik zazpi Arrasaten

Arrasateko Seber Altube plazan, pertsona bat oinez.

Atzo egindako PCR eta antigeno probek hamalau kasu berri hauteman dituzte Debagoienean. Herriz herri, zazpi atzeman dira Arrasaten, bost Bergaran, bana Aretxabaletan eta Oñatin.

Azken positiboak batuta, datuek erakusten dute pandemia hasi zenetik 4.728 debagoiendarrek izan dutela COVID-19 gaitza. Gehienak arrasatearrak izan dira (2.101) eta ondoren –erdia badira ere– bergararrak daude (1.063). Atzetik, Oñatik erregistratu ditu kasu gehien (599). 

Mapa honetan daude herri guztietako datuak, eguneratuta:

>Grafiko guztiak modu interaktiboan ikusi hemen.

Osasun Sailak argitaratutako egoera epidemiologikoaren gaineko txostenaren arabaera, 7.503 proba egin zituzten atzo, eta, horietatik 535 pertsonek eman zuten positibo; hau da, %7,1k. Lurraldeen arabera, Araban 73 pertsonek eman zuten positibo, Bizkaian 283k, Gipuzkoan 170k, eta EAEtik kanpo erroldatutako bederatzik.

Ospitaleei dagokienez, COVID-19aren ondorioz 46 pertsona ospitaleratu zituzten atzo, eta 71 pertsona daude ZIUetan.

Nafarroan, ostera, 2.666 proba egin zituzten atzo eta horietatik, 182k eman dute positibo, %6,8k hain zuzen ere.

Erlazionatuak

Hiru egoiliar sendatu dira Aretxabaletako GSR egoitzan

Debagoiena

Foru Aldundiak azken 24 orduetan Gipuzkoako sarean dauden egoitzetako COVID-19 kasuen berri eman du, eta jakinarazi dutenez kutsatu bakarra atzeman...
LABIk "oso kezkagarritzat" jo du egoera eta astelehenean jakinaraziko du neurri berririk hartuko duen

Debagoiena

Egungo datuak "oso kezkagarritzat" jo ditu gaur, egubakoitza, LABI teknikoak egin duen bileran. Astelehenean  batzordeak COVID-19ari aurre egi...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.