Hemezortzi positibo berri baieztatu dira bailaran

Uxue Igarza Loiola 2020ko abe. 29a, 12:54

Atzo egindako PCR eta antigeno probek hemezortzi kasu berri hauteman dituzte Debagoienean; herenegun baino hiru gehiago. Herriz herri, zazpi atzeman dira Arrasaten, bost Eskoriatzan, hiru Bergaran, bi Aretxabaletan eta bat Oñatin.

Azken positiboak batuta, datuek erakusten dute pandemia hasi zenetik 4.564 debagoiendarrek hartu dutela COVID-19 gaitza. Gehienak arrasatearrak izan dira (2.036) eta ondoren –erdia badira ere– bergararrak daude (1.040). Atzetik, Oñatik erregistratu ditu kasu gehien (579) eta ostean, Aretxabaletak (410). Datu guztiak daude goiena.eus webguneko 'azken datuak' atalean.

Bestetik, eguneratutako mapak oraindik ez du kolore aldaketarik. Intzidentzia-tasak berdintsu mantendu dira egun hauetan.

Herri bakoitzaren gainean daude azken datuak:

>Grafiko guztiak modu interaktiboan ikusi hemen.

449 kasu, Hego Euskal Herrian

8.398 proba diagnostiko egin zituzten atzo, eta horietatik 449k eman zuten emaitza positiboa; %5,3k erkidegoan eta %5,7k Nafarroan. Positibotasun-tasek ia puntu bat egin dute behera, baina oraindik lortu nahi den markatik urruti dago Hego Euskal Herria. Kasu berriei dagokienez, 150 erregistratu ziren Bizkaian, 130 Gipuzkoan, 102 Nafarroan, 62 Araban eta bost bestelako lurraldeetan erroldatutakoen artean.

Bestetik, 38 lagun ospitaleratu zituzten atzo, eta azken datuen arabera, 486 pertsona daude ingresatuta erietxeetan; horietatik 100, ZIUetan.

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak