Antzuolan eta Aramaion ez da kasu bakar bat ere atzeman azken bost egunetan, eta bailaran, oro har, beheranzko joera sumatu da. Guztira, Arrasaten 32 positibo erregistratu dira, Oñatin hemezortzi, Bergaran hamar, Aretxabaletan zortzi, Eskoriatzan sei eta bana Elgetan eta Leintz Gatzagan. Guztira 76 dira, eta Debagoieneko zenbateko metatua 4.546ra igo da.
Bestetik, aipatzekoa da positibo berriekin, Arrasatek 2.000 kutsatuen langa gainditu duela; pandemia hasi zenetik, 2.029 baitira gaitza hartu duten arrasatearrak. Hala, 1.000 herritarretatik 91,98 kutsatu dira. Gainerako datuak hurrengo taulan daude:
| HERRIA | POSITIBO BERRIAK | METATUAK | 1.000 BIZTANLEKO |
| Arrasate | +32 | 2.029 | 91,98 |
| Oñati | +18 | 578 | 50,90 |
| Bergara | +10 | 1.037 | 69,11 |
| Aretxabaleta | +8 | 408 | 57,48 |
| Eskoriatza | +6 | 217 | 53,38 |
| Elgeta | +1 | 49 | 43,02 |
| Leintz Gatzaga | +1 | 7 | 28,00 |
| Aramaio | 0 | 75 | 49,80 |
| Antzuola | 0 | 146 | 66,33 |
| GUZTIRA | 76 | 4.546 | 70,29 |
Egunez egun, 26 kasu hauteman zituzten abenduaren 23an, Oñatin (10), Arrasaten (9), Aretxabaletan (4), Eskoriatzan (2) eta Bergaran (1). Abenduaren 24an, berriz, 20: Arrasaten (8), Oñatin (5), Aretxabaletan (3), Bergaran (2), Eskoriatzan (1) eta Leintz Gatzagan (1). Hurrengo egunean, 25ean, zortzi izan ziren hautemandakoak: Bergaran (5), Arrasaten (2), eta Aretxabaletan (1). Hilaren 26an, zazpi kasu: Arrasaten (4), Bergaran (1), Eskoriatzan (1) eta Oñatin (1). Azkenik, atzo, hamabost positibo baieztatu ziren: Arrasaten (9), Eskoriatzan (2), Oñatin (2), Bergaran (1) eta Elgetan (1).
Adierazi bezala, beheranzko joera sumatu da herri gehienetan, eta intzidentzia-tasek ere islatu dute hori; kolorerik aldatu ez den arren, behera egin dute guztiek, Oñatikoak eta Eskoriatzakoak izan ezik. Eta hain zuzen ere, Eskoriatzan berriz ere 500etik gora kokatu da intzidentzia (516,61).
Mapa honetan daude tasa eta datu guztiak:
>Grafiko guztiak modu interaktiboan ikusi hemen.
Txertorik ez, bihar arte
Pfizerren bidalketa atzeratu egin da, eta gaur bidaltzekoak ziren dosiak bihar iritsiko dira Hego Euskal Herrira. Espainiako Gobernuak azaldu duenez, Belgikako lantegian izandako "arazo logistikoa" izan da aldaketa eragin duena.
Azken datuei dagokienez, Hego Euskal Herrian 4.830 PCR eta antigeno proba egin ziren eta %6,2k eman zuen emaitza positiboa erkidegoan (herenegun baino %0,9 gehiagok) eta %6,5ek Nafarroan (herenegun baino %0,9 gehiagok). Horrenbestez, 358 izan ziren atzoko positiboak: 151 Bizkaian atzeman ziren, 94 Gipuzkoan, 60 Nafarroan, 49 Araban eta lau bestelako lurraldeetan erroldatutakoen artean.
Bestalde, 33 lagun ospitaleratu zituzten erietxeetan, eta orotara 500 daude ospitaleetan. Horietatik, 101 dira ZIUn daudenak.
