Espainiako hainbat komunikabidek Madrilgo Gobernuaren iturrien arabera aipatu dutenez bihar, urriak 25, ezohiko ministroen kontseiluan erabakiko dute Estatu espainiar osora zabaltzea alarma egoera. Deialdi ofiziala egiteke badago ere, aipatu komunikabideek diote "seguruenik" domekan egingo dela ezohiko kontseilua. Urriaren 27an egitekoa zen kontseilua aurreratu egingo du, beraz, Madrilek; erabaki horretan eragina izan du Iñigo Urkullu lehendakariak egubakoitzean egindako eskariak.
EAEko lehendakari Iñigo Urkulluk egubakoitz arratsaldean Estatu espainiar osoan alarma egoera deklaratzeko eskaria bete egingo litzateke bihar elkartuko den ezohiko ministroen kontseiluak hartuko duen erabakiaren ondotik. Erkidegoen menpeko alarma egoera eskatu zuen atzo Urkulluk, eta iluntzean eskaerarekin bat egin zuen Maria Txibite Nafarroako Gobernuko presidenteak.
Urkulluren aginte bakarra, "ahalik eta azkarren" jarduteko
Lehen olatuko alarma egoeraren aldean, salbuespen legedia erkidegoek kudeatzea nahi du Urkulluk. Izan ere, EAEko Auzitegi Nagusiak Jaurlaritzaren arau bat atzera bota izanak –gehienez sei lagun elkartzearena– bultzatu du urrats hori egitera, agerian utzi baitu eskumen propioak garatzeko ezintasuna duela. Urkulluren aburuz, proposatutako formulak aukera emango du "ahalik eta azkarren" jarduteko, betiere herritarren osasuna eta COVID-19aren hedapen komunitarioa mugatzeko asmoz.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
