154 kutsatu Gipuzkoan eta 546 Nafarroan

Azken 48 orduetan Gipuzkoak bizi izan duen kutsatu gorakadaren ostean, atzoko emaitzek beherakada arina jaso dute, eta 154 kutsatu hauteman dira. PCR probak ere gutxiago egin dituzte EAEn, guztira 6.872 proba. Nafarroako Gobernuak inoizko daturik txarrenak jakinarazi ditu: 546  kutsatu.

EAEn Osakidetzak jakinarazi dituen datuen arabera, 6.872 PCR proba egin ziren atzo, urriak 11, eta, 364 positiboak izan ziren. Horietatik 70 Araban, 140 Bizkaian eta 154 Gipuzkoan atzeman dira.

Ospitaleratze egoerari dagokionez, EAEn 22 pertsona ospitaleratu ziren atzo, eta COVID-19a duten 47 pertsona ZIUn daude. Udalerrietako kasuak eta R0 indizea bihar, martitzena, eguneratuko ditu Osakidetzak.

Nafarroan 500 kutsatutik gora

Maria Chivite Nafarroako presidenteak Ser irratian aurreratu du goizean atzo egindako PCR proben datuek gorakada nabarmena izango dutela, eta halaxe izan da:  500 kutsaturen langa gainditu da;  546 dira kutsatuak Nafarroan. Hala ere, bihartik aurrera ezarriko diren neurri murriztaileek Nafarroan pandemia geldiarazteko eraginkorrak izango direla uste duela gaineratu du. "Neurri gogorragoak hartu behar badira, hartuko ditugu", zehaztu du Chivitek.

Ospitaleratze datuei dagokienez, 281 lagun daude Nafarroan ospitaleratuta, eta horietatik 34 ZIUn daude.

Erlazionatuak

Gipuzkoan 263 kasu berri, inoizko daturik txarrena

Debagoiena

Atzo, urriak 10, EAEn, 9.922 PCR proba egin ziren, eta, 564 positibo atzeman ziren: 55 Araban, 244 Bizkaian, 263 Gipuzkoan eta bi kutsatu bestelako...
Mizpirualde egoitzan kutsatu berri bat atzeman dute

Bergara

Bergarako Mizpirualde egoitzan kasu positibo berri bat hauteman dute azken 24 orduetan. Guztira, 14 dira adineko egoitza horretako positiboak. Gipu...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.