37 kutsatu berri atzeman dituzte asteburuan, Debagoienean

Aramaion, Antzuolan eta Leintz-Gatzagan salbu, bailarako gainerako herri guztietan hauteman da positiboren bat egubakoitzetik atzora arte egindako PCR proben bidez. Halere, guztira, aurreko asteburuan baino hamar gutxiago dira.

Egubakoitzean hamasei kasu hauteman zituzten probek: Bergaran (5), Eskoriatzan (5), Arrasaten (4) eta Aretxabaletan. Zapatuan, berriz, hamaika: Arrasaten (3), Oñatin (3), Aretxabaletan (2), Bergaran (2) eta Elgetan (1). Bukatzeko, atzo egindako probek hamar kasu baieztatu zituzten: Aretxabaletan (4), Arrasaten (4) eta Bergaran (2).

Hortaz, azken datu horiek jasota, honako hauek dira kasu berrien, metatuen eta 1000 biztanleko dauden kopuruen taula eta mapa:

HERRIA ASTEBURUKO KASUAK POSITIBO METATUAK POSITIBOAK 1.000 BIZTANLEKO
Arrasate +11 530 24,03
Bergara +9 232 15,46
Aretxabaleta +8 136 19,16
Eskoriatza +5 45 11,07
Oñati +3 159 14,00
Elgeta +1 15 13,17
Aramaio 0 10 6,64
Antzuola 0 18 8,18
Leintz-Gatzaga 0 1 4,00
GUZTIRA 37 1.146 17,72

>Grafiko guztiak modu interaktiboan ikusi hemen.

Hego Euskal Herrian, 612 positibo berri

Jaurlaritzako Osasun Sailaren eta Nafarroako Gobernuaren arabera, atzo egindako 9.115 PCR probek 612 kasu baieztatu zituzten: 258 Nafarroan, 176 Bizkaian, 90 Gipuzkoan, 74 Araban eta 14 bestelako lurraldeetan erroldatutakoen artean. Azken zenbatekoa asteburuan erregistratutakoen artean txikiena da; izan ere, egubakoitzean 750 kasu atzeman ziren eta zapatuan 842.

Ospitaleei dagokienez, 328 lagun daude ingresatuta EAEko erietxeetan –horietatik 55 ZIUn–, eta atzo 24 izan ziren ospitaleratutakoak. Nafarroan, berriz, 4 izan dira azken orduetan ingresatutakoak eta hiru lagun zendu dira.

Bestetik, Hezkuntzako Sailak azaldu duenez, Euskal Autonomia Erkidegoan, 233 ikasgela daude itxita, 162 ikastetxetan. Nafarroan bestetik, 33 ikasgela daude konfinatuta eta guztira, 670 dira bakartutako ikasleak.

Erlazionatuak

Beste bi positibo atzeman dituzte Bergarako Mizpirualde egoitzan

Bergara

Azken bi positibo hauekin, dagoeneko, hamalau dira Mizpirualden COVID-19a duten egoiliarrak. Guztira, Gipuzkoako adinekoen egoitzetan 48 kasu daude.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.