Gora egin dute kasuek azken 24 orduetan. Lurraldeen arabera hauek positiboak: 72 Araban, 229 Bizkaian, 53 Gipuzkoan eta 9 EAEtik kanpo bizi diren pertsonak. Ospitaleen egoerari dagokionez, beste 21 pertsona ospitaleratu ziren atzo, eta 8 pertsona ZIUn daude. Bestalde, abuztuaren 3tik 9ra bitartean metatutako datuen arabera, 5 pertsona hil dira. EAEko birsorkuntza tasa 1,30ean dago.
Alemaniaren ohartarazpena
Hego Euskal Herrira ez bidaiatzeko aholkua egin du Alemaniak. Hala, EAEn nahiz Nafarroan dauden alemaniarrek, koronabirus proba egin beharko dute itzultzerakoan.
Nafarroan 142 kutsatu berri
Azken 24 orduetan goraldia Nafarroako positiboen datuetan eta 142 kasu atzeman dute. Santos Indurain kontseilariak "datu txarrak direla eta kontuz ibiltzeko" ohartarazi du. Talde txikietan ibiltzeko aholkatu du.
