Eguneko zentroak ixteko eta adineko egoitzetako bisitak mugatzeko gomendioa egin die Aldundiei Eusko Jaurlaritzak, eta udalekuak, aldi baterako bertan behera uztea erabaki du Eudelekin batera. "Prebentziozko eta behin-behineko neurri gisa" hartutako erabakia izan dela argitu dute Osasun sailetik, koronabirusaren datuen bilakaeraren aurrean.
Gorantz doa COVID-19 birusagatik kutsatutako herritarren kopurua. Nekane Murgak eguerdian egindako prentsa agerraldian esan duen moduan, azken 24 ordutan 115 positibo gehiago izan dira EAEn: 63 Gipuzkoan, 43 Bizkaian eta 9 Araban.
Eudelekin batera, udalekuak aldi baterako ixtea erabaki du Eusko Jaurlaritzak. "Neurri horiek prebentziozkoak dira, eta datozen egunetan berrikusiko dira", Osasuneko sailburuak adierazi duen bezala.
Adinekoen egoitzetako bisitak mugatzea eta eguneko zentroak ixtea ere gomendatu die Foru Aldundiei eta hala egingo dute. Horrez gain, maskarak erabiltzea beharrezkoa dela esan du Osasun sailburuak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
