Kasu berririk ez bailaran, baina Arrasate infekzio-foku berria ote den aztertzen ari dira

PCR bidez hautemandako kasuek gora egin dute EAEn; guztira 15 positibo berri erregistratu dira: bosna, Araban, Bizkaian eta Gipuzkoan. Debagoienean ez da kasu berririk hauteman, baina Gipuzkoan atzemandako lau kasu berri aztertzen ari da Osakidetza, atzoko Arrasateko bi positiboekin lotura izan dezaketelakoan.

Gipuzkoan aktibo dagoen bigarren infekzio-fokua den aztertzen dihardu Osasun saila. Hala, gaur jakitera eman diren Iruneko hiru positiboak eta Errenteriako bat, Arrasateko agerraldiaren lotuta egon daitezkeela uste du Osakidetzak. Une honetan, Gipuzkoan, bereziki bi infekzio-foku aztertzen ari dira: Oriokoa eta Arrasatekoa.

Azken datuak

Atzo 3.133 PCR proba egin ziren eta 470 test azkar, eta, guztira, 15 positibo hauteman zituzten PCR probek eta 34 serologikoek. Negatibizatutako kasuak berriz, 28 izan ziren.

Ospitaleetan, 10 alta eman zituzten eta pertsona bakarra izan zen ospitaleratua. Bestetik, ZIUn daudenak 6 izaten jarraitzen dute.

Heriotzei dagokienez, bi lagun zendu ziren atzo. Guztira, EAEn, gaixotasuna izan dutenen %7,7 hil da.

Oinarrizko Birsorkuntza datuari erreparatuta, nabarmen egin du gora: 0,93koa da, eta atzo 0,75eko datua erregistratu zen

Nafarroan, 5 kasu

Nafarroako Gobernuak emandako datuen arabera, 5 kasu baieztatu dira PCR bidez, baina ez  da heriotzarik ezta ospitaleratzerik ere erregistratu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.