Astebururako antolatutako jarduerak
Arantzazuko parketxeak hainbat ekintza antolatu ditu asteburu honetarako. Ekainaren 6an, zapatuan, Mikel Olanok hegazti sarraskijaleen inguruko hitzaldia eskainiko du, 11:30etatik aurrera. Olano Gipuzkoako Foru Aldundiko basozaina izateaz gainera, POCTEFA Ecogyp
proiektuko parte hartzailea da. Jarduera honetan parte hartu nahi duenak, hiru euro ordaindu beharko du eta aurrez izena ematea ezinbestekoa da. Horretarako hainbat bide daude: 943 78 28 94 eta 699 335 183 telefono zenbakietara deituta, arantzazu@gipuzkoanatura.eus helbidera mezu bat bidalita edo www.gipuzkoanatura.eus atariaren bitartez.
Ekainaren 7an, domekan, Arantzazu inguruko paisaiak gozatzeko ibilaldi gidatua burutuko da ibilbide irisgarrian zehar. Irteera 11:30ean izango da eta parte hartzen dutenek Aizkorri-Aratz natura-parkea eta haren ezaugarriak ulertzeko aukera izango dute, Arantzazu auzoa ezagutzearekin batera. Ibilbide hau gurpildun aulkientzat egokitua dago, beraz familia guztiek hartu dezakete parte. Talde txikitan banatuko dira, segurtasun tarteak errespetatuz eta maskara jantziz (norberak etxetik ekarritakoa izango da). Kasu honetan, parte hartu nahi duten helduek lau euro ordaindu beharko dute eta haurrek bi euro. Aurrez izena ematea ezinbestekoa da. Horretarako hainbat bide daude: 943 78 28 94 eta 699 335 183 telefono zenbakietara deituta, arantzazu@gipuzkoanatura.eus helbidera mezu bat bidalita edo www.gipuzkoanatura.eus atariaren bitartez.
Ekaineko gainontzeko ekintzak
- Ekainak 14, domeka: Pagomotzak, kultur eta natur ondare
- Ekainak 20, zapatua: Arantzazuko altxorren bila
- Ekainak 27, zapatua: Basoa, lasaitasun iturri
Argibide gehiago gura izanez gero edo beste parketxe batzuetako egitarauak ezagutu hona hemen helbidea: gipuzkoanatura.eus
