Gaur publikatu diren datuen arabera, Hego Euskal Herrian 94 kutsatu berri atzeman dira azken orduetan. Guztira, COVID-19 gaitzarekin kutsatu direnak 22.624 pertsona izan dira. Horietatik 14.435 errekuperatu egin dira. Eta horietatik 349 azken orduetan jaso dute senda-agiria. Pandemia hasi zenetik 1.791 herritar hil dira.
>Grafiko guztiak modu interaktiboan ikusi hemen.
Osakidetzako Asistentzia Sanitarioko Zuzendari Andoni Arzelaik atzo aurreratu zuen Osakidetza jarduera asistentzialera itzultzen hasiko dela, pixkanaka. Hori posible da EAEko ospitale sarean geroz eta positibo gutxiago daudelako ingresatuta. Guztira, 614 dira: Arabako ospitaletan 136, Bizkaikoetan 358 eta Gipuzkoakoetan 120. Debagoieneko Ospitalean ez dago positiborik ingresatuta.
