Gipuzkoako egoitza sarea 65 zentroz eta 5.425 plazaz osatuta dago eta laugarren egunez jarraian, ez da COVID-19 kasu positibo berririk atzeman. Azken orduan, ordea, Donostiako La Paz egoitzako egoiliar bat hi da. 32k, aldiz, mediku alta jaso duten ondorengo egoitzatan: Donostiako Berra zentroan (28), Zumarragako Argixaon (2), Zarauzko Santa Anan (1) eta Beasaingo Arangoitin (1). Azken egoitza horretan, Arangoitin, Covid-19az libre geratu da.
Beraz, 14 izatera igaro dira COVID-19 kasu positiboak dituzten egoitzak Gipuzkoan. Guztira, gaur arte, 271 adineko pertsonek gainditu dute gaixotasuna, birusak eragindako guztien %49,5ak; 162 zendu dira eta 115 daude positibo emanda. Egun, 24 lagun daude ingresatuta Donostiako Gurutze Gorriaren zentroan eta 25 ospitalean.
Eider Mendozak gogorarazi du, nahiz eta adinekoen egoitzetako azken egunetako egoera "nabarmen" hobetu den, "oso garrantzitsua da prebentzio eta segurtasun neurri guztiak zorrotz betetzen jarraitzea", eta zentzu horretan, egunez egun, egoitzetako talde profesionalak, zein osasun langileak eta familiak ere egiten ari diren lana eskertu nahi izan du.