Apirilaren 10ekoa zen irizpideen aurreko berrikuspena, eta bertan esaten zen autokontsumorako ortuetara joan zitekeela elikagaiak jasotzera edo baratzeko oinarrizko mantentze lanak egitera soilik: "Baratzean produktu gehiago landatzeko prestatze lanak ezin dira egin", zioen dokumentuak.
Azken berrikuspenak, ordea, aldatu egin ditu irizpide horiek: "Elikagaiak jaso ahal dira, mantentze lanak egin, eta lurra erein eta landatu aurretiko prestaketa lanak egin ahal dira, baita landatu, erein, ureztatu eta ongarritu ere", dio orain.
Dokumentuak zehazten du bigarren bizilekuan dauden baratzeak ez direla baimen honen barruan sartzen, eta lurzoruan bertan edo ondoko instalazioetan ezin dela inolako ekitaldirik edo ospakizunik egin.
Horrez gain, orain arte bezala, ortura joateko eta bertan egoteko behar-beharrezkoa den denbora baino ez hartzeko agintzen du, eta osasun agintaritzak ezarritako neurriak betetzeko.
