Behin behineko informazioa bada ere, elikagaien katean funtsezkoak diren lan jarduerak ezinbestekotzat hartuko ditu Espainiako Gobernuak. Hala nola, elikagaiak ekoizteko eta abeltzaintza, arrantza eta nekazaritzarekin loturiko jarduerak, edota elikagaiekin loturiko garraioa eta elikagaiak prozesatzeko eta kontserbatzeko jarduerak.
Gainera, medikuntza, osasun eta farmazia jarduerak ez du etenik izango ezta medikuntzarekin loturiko produktuen eta produktu farmazeutikoen fabrikazioak ere. Horrez gain, energia elektrikoaren, gasaren, petrolioaren eta erregaien hornidurak eta produkzioak jarraituko du, baita ur hornidurak ere.
Portuek eta aireportuek ere martxan jarraituko dute, baita garraioarekin loturiko zenbait lan jarduerak ere. Arropa eta ehun-produktuen fabrikazioak ere ez du etenik izango, eta telekomunikazioak ere babesteko neurriak hartuko ditu Gobernuak.
Hedabideek eta komunikazio zerbitzuek ere lanean jarraituko dutela konfirmatu zuen atzo Espainiako presidente Pedro Sanchezek.
