Ertzaintzak gogorarazi du alarma-egoera dela-eta, eta ezarritako konfinamendua ohiko etxebizitzan bete behar dela. Hala, debekatuta dago bigarren etxebizitzetara edo aisialdikoetara joatea. Baimendu gabeko bidaiak eragozteko, eta, batez ere, San Jose zubira begira, Ertzaintzak kontrolak ezarri ditu gaur eta ezarriko ditu ondorengo egunotan, errepideetan eta garraio kolektiboaren geltokietan. Udaltzainek gauza bera egin dute herri barruetan.
Segurtasun sailetik adierazi dutenez, autoan zirkulatu ahal izateko, bakarrik joatea gomendatzen da. Autoan bigarren pertsona bat badoa, atzeko eskuineko aldean eseriko da, segurtasun-distantzia errespetatuz. Debekatuta dago ibilgailuetan joan-etorriak egitea segurtasun-distantzia hori errespetatu gabe.
Segurtasun sailak gogora ekarri du larrialdi egoeran gaudelarik, jarduera gutxi batzuetarako bakarrik atera daitekeela etxetik.
