Gaur goizeko irudiak dira hauek, Oñatin eta Arrasaten, herritarrak hasi dira kalera irteteko arau berriak aplikatzen. Gutxi batzuk kirola egiten jarraitu arren, herritar gehienak arauak errespetatzen ari dira, eta oinarrizko jarduerak egiteko irten dira: txakurrak atera, ogia edo egunkaria erosi, ...
Ogia erosteko, atzo bezala, ilara handiak. Baina bai erosleak eta saltzaileak babes neurriak hartzen. Oñatin, adibidez, saltzaileak eskularruekin aritu dira, eta jendea oinarrizko distantziak errespetatzen. Arrasaten ere, antzeko irudiak. Distantziak errespetatzen eta kafea, adibidez, soilik eramateko zerbitzatzen. Maskara eta antzerakoekin herritar solte batzuk ikusi ahal izan, baina, orokorrean, normaltasunez dabiltza gehienak.
Segurtasun agenteak ere kalean dabiltza zaintza lanak egiten. Bergaran herritarrei etxean geratzeko aginduak eman dizkiete bozgorailuekin, Arrasaten Monterron parkekoei etxera joateko agindua eman diete ertzainek, eta Eskoriatzan paseatzen zebiltzan herritarrei eta txirrindulariei aginduak eman dizkiete udaltzainek.
