"Dantzagarria izatea, itsaskorra; Kantari bukatzen denean denok dugu hortxe buruan amaierako kantu hori, eta era horretako abestia egin nahi izan dugu, gaztetxoei zuzendutakoa"; saio-ko gidari Amaia Txintxurretak dioen hori zuten buruan abesti berria lantzerakoan, eta emaitza prest dago dagoeneko.
Kantu berriarekin lehengoaren arrakasta errepikatzea da asmoa: "Oso harrera ona izan duen kan-tua izan da orain arte eduki dugun hori. Ume, gazte, nagusi... Debagoienean, esango nuke, denok dakigula kantu hori. Bai-na ikusten genuen zaharkituta geratu direla kantuaren doinuak. Kantu berrirako hiru proposamen egin zituen Asierrek: bat ska erakoa, beste bat poperoagoa eta hirugarrena dance erakoa edo modernoagoa. Azkeneko horren aldeko apustua egin dugu, azkenean, ikusita, adibidez, ska doinuak baditugula bestela ere; En Tol Sarmiento, Betagarri... talde horien kantuak baditugu karaokean, eta desberdinago izan nahian edo, ba, hortik joan-go da kantu berria".
Letra Amaia Txintxurretak berak egin du, eta Gauargi tal-dean harekin jarduten duen Asier Castro ermuarrak egin du musika. Hain justu, hango, Ermuko, Musical Arabako es-tudioan grabatu eta prestatu dute abestia, Humberto Esnao-larekin batera. Castro ohituta dago abestiak moldatzen, baina hutsetik sortzen ez hainbeste: "Niretzako, erronka izan da, moldaketak egitea askoz erra-zagoa izaten da. Kantua hutse-tik sortu behar zenez, apur bat gehiago kostatu zaigu. Harmo-niarekin hasi ginen aurrena; gero, melodia; gero, letra... eta gustura geratu gara, ea ze eran-tzun ematen dion orain jendeak".
Denboraldi berria
Urrian Donostian egingo dituz-te Kantari saioaren grabaketak –aurten bigarren aldiz, iazkoen ostean–, eta bertan estreinatuko dute kantu berria. Azken urtee-tan bezala, Euskararen Eguna-ren bueltan Gasteiza ere badoa saioa, eta Debagoieneko aretoe-tara urtarrilean iritsiko dira, saioa eta abesti berria: "Graba-tuko dugu bideo bat, kantuare-kin, jendeak kantua ikasteko, koreografiarekin; denontzako izango da kantu berria, eta ea gustuko gertatzen den", dio Amaia Txintxurretak.
