Manifestazioaren aurretik Monterron eta Santa Barbara parkeetan zaborra biltzen aritu da gazte talde bat, eta ondoren, batutakoa udaletxeko plazan jarri dute ikusgai.
Aldarrikapen mezu ugari eraman dituzte idatzita, eta "ez dugu B planetarik" oihuak entzun dira manifestazio osoan zehar. Idatzizko mezuak zaborraren inguruan jarrita eman diote amaiera gaurko hitzorduari.
Hitzordu gehiago
Manifestazioaz gain, Aretxabaletako Plastikoa Buruan taldeak plastiko bilketa antolatu du gaur arratsalderako. 18:30ean Herriko Plazan elkartuko dira eta herritar guztiei dei egin diete.
